Айнұр Әбдірәсілқызы
Филология ғылымдарының кандидаты,
араб әдебиеті (құрантану) бойынша ғылым магистрі
Өмірбаяны
Әбдірәсілқызы Айнұр, 04.07.2021 жылы туылған. Филология ғылымдарының кандидаты, араб әдебиеті (құрантану) бойынша ғылым магистрі. Қ.А.Ясауи атындағы Халықаралық қазақ-түрік университетінің бакалавриатын, магистратурасы мен аспирантурасын тәмамдаған. ҚазҰУ құрамындағы «Әлем тілдері және халықаралық журналистика» университетінің, Түркия Республикасының Анкара университеті мен «TOMER» тіл үйрету орталығының арнайы курстарын бітірген, «Жиһан» ақпарат агенттігінде журналистік машықтанудан өткен. 1998-2005 жылдар аралығында Қ.А.Ясауи атындағы Халықаралық қазақ-түрік университетінің Араб филологиясы және Қазақ әдебиеті кафедраларында оқытушы, Терминдер сөздіктерін даярлау және аударма орталығында аудармашы, редактор, Ясауитану ғылыми-зерттеу орталығында жетекші маман, ғалым-хатшы, директор орынбасары қызметтерін атқарған. 2005-2011 жылдары ҚР Ұлттық Ғылым академиясының М.Әуезов атындағы Әдебиет және өнер институтының ғылыми қызметкері, ҚР Ұлттық кітапханасының Редакциялық-аударма бөлімінің меңгерушісі, ҚР Мәдениет министрлігі Дін істері комитеті Мәдениеттер мен діндердің халықаралық орталығының Діни орталықтарды зерттеу бөлімінің бастығы болып жұмыс істеген. 2011 жылдан ҚР Дін істері агенттігінің Діни оқу орындарымен байланыс және дінтану сараптамасы басқармасының басшысы қызметінде болды. Қазіргі уақытта ҚР Дін істері агенттігі төрағасының кеңесшісі қызметін атқарады. 7 кітаптың, 100-ден астам мақаланың авторы, 20-ға жуық ғылыми-танымдық басылымдардың редакторы. Ақын, Н.Төреқұловтың 105 жылдығына арналған республикалық мүшәйраның жеңімпазы.
Арнау сөзі
Армысыздар, қадірлі замандастар!
Сіздер мен біздерді замана талабы дүниеге әкелген "E-Islam" порталы тоғыстырып отыр. Мен мамандығым жағынан араб тілді шығыстанушы-филологпын. Араб тілін ислам дінін үйрену үшін рухани ізденісіме бастар жол ретінде таңдағанмын. Сырт көріністе зайырлы қоғамның заңды перзенті болғаныммен, «иман адамның жүрегінде» деген ұстанымға берік байланғанмын. Ғылыми зерттеулерімнің негізгі бағыттары – құрантану, Қазақстандағы ислам тарихы, діни қозғалыстардың тарихы мен қызметі, шығыс және түркі халықтары әдебиетіндегі дін тақырыбы, діни поэзия. Қазақы қалыптың қаймағы бұзылмаған оңтүстік өңірінің тумасы ретінде дін және дәстүр тақырыбы менің жаныма жақын. Қазақтың «иман таразысы» деген ұғымының бір жағында сенім, екінші жағында рухани құндылықтар тұрады. Иман таразысы теңелуі үшін оның екі басы бірдей болуы қажет. Дәстүр дінсіз, дін дәстүрсіз өмір сүрмейді. Сондықтан да дін тарихы дегеніміз біз үшін – мәдениет тарихы, ұлт тарихы, рух тарихы. Мен сіздермен осы бағытта ой бөліскім келеді. Сонымен қатар әйел-ана ретінде замандас құрбыларымның сырын тыңдап, сұхбатын бөлісіп, сауалдарына жауап беруге әзірмін.
Еңбектері
- 1. Мезгілсіз дәурен: Өлеңдер. –Алматы: Жазушы, 2006. –88 бет.
- 1.2. Қожа Ахмет Ясауидің ақындық әлемі: Монография. – Алматы: «КИЕ» лингвоелтану-инновациялық орталығы, 2007. –264 бет.
- 1.3. Қожа Ахмет Ясауи: Ғасырлар шыңынан шашылған нұр: Ғылыми басылым. – Алматы: Қазэтнодизайн, 2007. – 480 бет.
- 1.4. Қожа Ахмет Ясауи: Библиографиялық көрсеткіш (Қазақ және орыс тілдерінде). –Алматы: Арыс, 2008. –144 бет.
- 1.5. Хикмет-ғұмыр: Өлеңдер, эсселер /Әлеуметтік маңызды әдебиет түрлерін шығару» бағдарламасы аясында/. – Алматы: Жалын, 2010. – 96 бет.
- 1.6. Қазақстандағы сопылық: бастаулары, тарихы, қазіргі жай-күйі. Сараптамалық шолу. – Астана: Мәдениеттер мен діндердің халықаралық орталығы, 2010. – 60 бет.
- 1.7. Дін. Дәуір. Дәстүр: Ғылыми-танымдық мақалалар жинағы. – Павлодар, 2014 жыл. – 232 бет.
Мақалалары
- Қазақтың ақидасы – парасат немесе Матуриди ақидасының қазақ дүниетанымындағы орны жайында
- Имамның сәні – жамағат немесе жүректегі иман жайлы сөз
- Қазақ орамалға қарсы емес, бірақ хижабтың жөні бір басқа
- Қазақ қоғамындағы әйел мәртебесі: кеше мен бүгін
- Рухани құндылықтарды қалыптастыру мен дамытудағы қазақ әйелінің орны
- Құрбан айт – игі бастамалар мейрамы
- Ислам еңбек жайында
- Дәстүрлі отбасылық құндылықтар және тәрбие мәселесі
- Құрбан айт – қанағаттың мерекесі
- Тіл өнері – дертпен тең
- Қазақстандағы этноконфессиялық идентификация мәселесі: мемлекет құраушы ұлт және заманауи сын-тегеуріндер
- Дәстүрлі құндылықтарды жаңғырту радикалды идеологияның алдын алу құралы ретінде
- Қазақстандағы діни білім жүйесі: тарихы, қазіргі жай-күйі және өзекті мәселелері
- Қазақстандағы дінтанулық білімнің қазіргі жай-күйі және өзекті мәселелері
- Қазақстандағы дінтану сараптамасы: өткені мен бүгіні
- Дін және дәстүр сұхбаты заманауи сын-тегеуріндер аясында
- Қазақстандағы діни-ғылыми ақпараттық деңгей
- Қазақстандағы дәстүрлі діндердің қазіргі жай-күйі (әлеуметтанулық зерттеулер негізінде)
- БАҚ-тарда діни ұйымдар мен діни бірлестіктер қызметін жариялаудың негізгі қағидалары
- Қазақстандағы сопылық: бастаулары, тарихы, қазіргі жай-күйі
- Оғыз-қыпшақ дәуірінің әдебиеті
- Әбу Насыр әл-Фарабидің әдеби-ғылыми мұрасы
- «Шахнама» және «Құтты білік»: үндестіктер мен сабақтастықтар
- Махмұт Қашқаридің «Түрік тілінің сөздігі» еңбегіндегі өлең мәтіндерінің құрылысы
- Көне түркі әдебиетіндегі елдік мұраттар
- Қазақ әдебиетіндегі мінәжат жанры: ежелгі поэзия мен қазіргі әдебиеттегі көрінісі
- Мағжан Жұмабаев поэзиясындағы түркілік таным көріністері
- Есенғали Раушанов шығармашылығындағы көне түркілік сарындар
- Қадыр Мырзалиев шығармашылығындағы ежелгі әдеби дәстүрлер жалғастығы
- Қожа Ахмет Йасауи поэзиясын зерттеу мәселелері
- «Диуани хикметті» қазақ тіліне аударудың кейбір мәселелері
- «Диуани хикмет» шығармасының атауы жайында
- Түркі әдебиетіндегі хикмет жанры
- Йасауи поэзиясының түркілік бастаулары
- Қожа Ахмет Йасауидің ақындық мектебі
- «Диуани хикметтегі» көркемдік-бейнелеу құралдары
- Йасауи, Абай, Шәкәрім: сабақтастық сырлары
- «Диуани хикметтің» буындық құрылым-жүйесі
- Йасауи хикметтері және аруз өлшемі
Жат ағымдармен күресте ғаламторды пайдалану керек
АСТАНА. 09 қазан. E-Islam.kz - Бүгінде Қостанай обылысында тіркеуге енбеген 20-ға жуық діни бірлестік өз қызметін жалғастыруда. Дін істері комитетінің төрағасы Ғалым Шойкин «Мұндай бірлестіктерге қарсы күресте барлық тәсілдерді, яғни, қалыптасқан тәсіл мен ғаламторды пайдалану керек» деп мәлімдеді өңірге іс сапары барысында.
Экстремизмді насихаттағаны үшін сотталды
АСТАНА. 9 қазан. E-islam.kz - Қылмыстық іс материалы бойынша, Сарқанд ауданының тұрғыны діни-экстремистік сипаттағы аудиофайлды басқа біреуге бергені үшін айыпталды. Бұл файлдардың мазмұнына қатысты сот психолого-филологиялық сараптама жүргізілді. Сондай-ақ, ер адам үйінің намазханасында діни қарым-қатынас белгісі бойынша азаматтарға дінді басқаша насихаттаған және бөтен діндермен күресуге шақырған, деп хабарлайды «Tengrinews.kz».
Барша адамзат бір атаның, бір ананың перзенті
Тарихи ақиқаттар айдан анық куә болып тұрғанымен, кейбір халықаралық бұқаралық ақпарат құралдары соңғы кездері Исламды лаңкес, зорлықшыл, экстремист, жауыз дін етіп көрсетіп бағуда. Мұндай ниеттің қолдау тауып, көзқарастың бағыты бұзылмай, жалғасып келе жатқаны жанды ауыртады, тіпті, қорқынышты. Батыс насихатшыларының арасында мәселенің дұрыс-бұрысына мән бермей жатып, Ислам дінінің атына қара күйе жағу қалыпты әдетке айналды. Әлемнің әр түкпірінде орын алып жатқан экстремистік, террористік, лаңкестік оқиғаларды асыл дінімізге жаба салу дағдыға айналды. Бұған көп тілде тарайтын “Свобода” радиосының күн сайынғы хабарларының өзі-ақ мысал бола алады.
Бас мүфти студенттерге дәріс оқиды
АСТАНА. 9 қазан. E-islam.kz - 2014 жылдың 9 қазанында сағат 14:30-да Алматы қаласындағы әл-Фараби атындағы Қазақ ұлттық университетінің жаңа кітапханасында Қазақстан мұсылмандары діни басқармасының төрағасы, Бас мүфти Ержан қажы Малғажыұлы студенттерге дәріс оқиды.
Христиан және Ислам діндері жаһандану мәселесі алдында
АСТАНА. 9 қазан. E-islam.kz - Солтүстік Осетия астанасында «Христиан және Ислам діндері жаһандану мәселесі алдында» атты ғылыми- тәжірбиелік конференция ашылды. Әлемдік дін өкілдері, қоғам қайраткерлері және СКФО ғылыми бірлестік мүшелері жиналған конференция Владикавказ басқару институтында өтуде.
Жұманың тақырыбы: "Алла Тағала өз көлеңкесіне алатын жеті кісі"
АСТАНА. 9 қазан. E-islam.kz - Әділ басшы, Аллаға бойұсынып, ғұмырын құлшылықпен өткізген жас жігіт, мешітке жүрегі байланған кісі , бірін-бірі Алла жолында жақсы көріп, Алла разылығы үшін бас қосып, Алла разылығы үшін мәжілістерінен айырылатын екі адам, мансапты да көрікті әйел шақырғанда: «мен Алладан қорқамын» деп харамнан қашқан ер кісі, оң қолы бергенін сол қолы білмейтіндей жасырын садақа еткен кісі, жалғыз қалғанда Алла Тағаланы еске алып, егіліп көзіне жас алған адам. Міне, бұл кісілер Алланың назарына алынатын жандар қатарынан.
«Ханафи фиқхы мен матруди сенім мектебінің негізгі критерийлері»
Үлкен қажылық аяқталды
"КТК" арнасы кеше күллі мұсылманға арман болған үлкен қажылықтың тәмамдалғанын хабарлады.
Бас ассамблея Эбола туралы брифинг өткізеді
Бас ассамблеяның 69 сессиясында делегаттар Батыс Африка елдерінде белең алған Эбола дерті туралы брифинг өткізбек.
