12 қарашада Татарстан Республикасы мұсылмандары діни басқармасында Республика мүфтиінің бірінші орынбасары Рустам Батровтың басшылығымен ауылдық жерлерде жұмыс істейтін жас имамдарға грант бөлу мәселесі бойынша комиссия отырысы өтті. ТР МДБ порталы комиссия құрамына мүфтидің орынбасарлары Илдар Баязитов пен Рустам Хайруллиннің, сол сияқты діни басқарманың әртүрлі бөлімдерінің мамандары кіргенін хабарлады. Отырыс барысында грант бөлінетін имамдармен әңгіме жүргізілді. Имамдар комиссия алдында өздері басқаратын мешіттерде атқарылып жатқан жұмыстар туралы есеп берді. Татарстан мүфтиі Камил Самигуллиннің қаулысына сай, діни басқарма ауылдық жерлердегі имамдарға қолдау көрсету мақсатында жыл сайын 180 мың рубль көлемінде грант төлейтін болады. e-islam.kz