Қазақстан Республикасының Президенті Н.Ә.Назарбаевтың Әлемдік және дәстүрлі діндер лидерлерінің II Съезінің жабылуында сөйлеген сөзі

Сенбі, 17.08.2021

Құрметті Съезге қатысушылар, қымбатты қонақтар!

Мен әләмдік және дәстүрлі діндер лидерлерінің съезі үнемі әрекет ететін беделді халықаралық форумға айналып бара жатқанын қуанышпен атап кеткім келеді. Бұл конфессионалдық келіссөз бастамасы барынша қажетті және халықаралық өмірдің нақты факторы болып қалатынын білдіреді.

Сондықтан Съезге қатысушылардың дінаралық келіссөздің әмбебап қағидаттарын бірыңғай түсіністікке келіп оларды мақұлдағаны ерекше маңызға ие.

Олардың зор маңыздылығын ескеріп оларды Біріккен Ұлттар Ұйымының қарауына жіберуді ұсынамын.

Құрметті басшылардың баяндамалары, қол жеткізілген жарыссөз конфессия лидерлерінің келіссөзге даярлығын және оны төзімділік пен өзара сыйластық күйде өткізу ұмтылысын тағы бір көрсетіп кетті.

Съезге қатысушылардыің дінаралық қатынастар саласында конфронтация идеологиясының зияндығы мен жалғандығы туралы тіке жарияланғаны өте маңызды. Ол діни экстремизмді өршітуге ұмтылып отырғандарға ғана керек. Бүгінгі күні діни экстремизм мен терроризм дәстүрлі емес және ұтымсыз идеялық қаруға айналып отырған экстремисстік көзқарастың барынша жаңа жүйесінен күш алып отыр.

Бес жыл бұрын 2001 жылы 11 қыркүйекте әлемді қайғылы оқиға дүр сілкіндірді, өзінің қатаңдығы бойынша жан түршіктірерлік АҚШ-тағы террористік актілер зорлық пен террорды насихаттайтын ыдыратушы күштердің қаншалықты қауіпті бола алатындығын көрсетті. Осының арқасында әлемнің барынша осал мен өзара байланысты екендігіне тағы бір көз жеткіздік.

Және ғаламдық қауіп алдында бүкіл әлем осы жауыздық алдында бірікті. Бүгінгі күні адамзаттың келешегі қалай болатыны бізге байланысты. Біз терроризм идеологиясының тамырына балта шабу үшін адамгершіліктің жалпы адамзаттық құндылығын нығайтуға барлық күшімізді салуымыз керек.

Сондықтан терроризмнің ыдыратушы идеологиясына төзімділік, келісім мен келіссөз идеологиясын қарсы қоюымыз керек.

Біздің форумда күмәнді саяси мақсаттарды ақтау үшін діни идеологияны пайдалануды болдырмауымыз керек деген өте маңызды ой айтылды.

Мыңжылдықтар бойына дін адамдар дүниесін тыныштандыру көзі, халықтар мен мемлекеттер арасында өзара тартылу факторы ретінде қызмет етіп келді. Бүгінгі күні діннің осындай күшімен салыстыруға келетін нәрсе бар ма екен.

Біздің форумның жұмысында маңызды орынға қазіргі заман құндылықтарын сақтау және нығайту мақсатында дінаралық серіктестікті дамыту тақырыбы ие болды. Әңгіме діни ұғым адамгершілігі, діннің мәдени мұрасы, бірнеше түрлілік, қағидаттық теңдік және діни дәстүрлерді құрметтеу, рухани тәртбие мен тағлымдық сияқты құндылықтар туралы болып отыр.

Барлық осы маңызды тезистер қабылданған Әлемдік және дәстүрлі  дін лидерлерінің Екінші Съезінің декларациясында көрініс тапты. Бұл құжатта «қарсы тұру идеологиясын» «әлем мәдениетіне» алмастырудың жаһандық қажеттігі кеңінен көрсетілді.

Мен мәдениет пен діндер диалогын қамтамасыз етудегі Қазақстан күшін, біздің ұлттық, мәдени, діни төзбеушілікпен күрес бойынша іс-әрекетімізді жоғары бағалаған Съезд қатысушыларына ризамын. Бұл үнемі Қазақстанның ішкі және сыртқы саясатының түйінді басымдылықтарының бірі болып қалады.

Осыған байланысты бүгінгі күні Съезд бастамасы астынан Халықаралық мәдениет және діни орталығын құру туралы бастаманы жариялағым келіп отыр.

Діни және мәдени проблемадан басқа Орталық білім, ғылыми-зерттеу және гуманитарлық жобаларды жүзеге асырып, әлемде діни жағдайдың әлеуетті даулы аспектілерін зерттеумен айналыса алатын болады.

Бұндай орталықтың маңызды міндеттері - халықаралық іс-шаралар жүргізу және түрлі елдердің діни қайраткерлері мен саяси қалаулылар арасында байланыс пен өзара түсіністікке көмектесу, кітаптар шығару болып табылады.

Сіздердің баталарыңызбен Орталық жақын арада жұмысын бастап және осы Бейбітшілік пен келісім сарайында орналаса алады. Сіздер осы бастаманы қолдайды деп үміттінемін.

Сөзімді қорытындылай келе біздің жалпы мақсатымызға жетуде - лайықты бүгін мен қауіпсіз келешекті қамтамасыз етуге қол жеткізуде діни лидерлердің негіз құраушы ролін атап өткім келеді.

Делегация басшылары мен барлық қатысушыларға адамдарды жақындастырудағы кісілік іске қосқан үлестеріңіз бен біздің форумды белсенді қолдағандарыңыз үшін құрметімді білдіргім келеді. 

Көңіл қойып тыңдағандарыңызға алғысымды білдіремін!

 

 

 

Оқылды 704 рет
JoomShaper
Top