Ақпарат көздерінің мәліметінше, уақиға орнына барлық төтенше қызмет өкілдері келіп жеткен. Әзірге қаза болғандар мен жапа шеккендер туралы мәліметтер жария етілмеді. Белгілісі, жарылғыш зат Сауда-өндірістік палата ғимараты маңында іске қосылған.
Еске сала кетсек, жуырда кешкі уақытта Пәкістанның ірі полиция академиясында үш террорист-жанкешті курсанттарды тұтқынға алған. Уақиға салдарынан кемінде 59 адам қаза болды. Тағы 116 адам әртүрлі деңгейде жарақат алды. Барлық лаңкестердің көзі жойылды.