"Елбасының Ұлытау төрінде, Әулиебұлақтың жағасында берген тарихи сұхбаты - осы қасиетті өлкені лайықты түрде ұлықтаудың, ұрпақтар сабақтастығын рухани толғаныстар түрінде жаңғыртудың құндылықтарын ертеңгі буынға аманаттаудың өрелі де өнегелі көрінісі" деген вице-министр Ұлытаудың қазақ саяси өмірінің орталығы болғанын да тілге тиек етті. Сөз соңында М. Әзілханов:  "Көнермес құндылықтарға бай тарихымыздан өнеге ала білген бүгініміз бізді бағдары айқын болашаққа жалғастырады. Осы бағыттағы соқталы ой, сындарлы пікірлерді сарапқа салған Ұлытау сұхбаты бүгінде Қазақстан қоғамының жаңа кезеңіне қадам басқанын айғақтайды" деп нақтылады.