Шоқан (Мұхаммед Қанафия) Уәлиханов Шыңғысұлы (1835 – 1865) – қазақтың ұлы ғалымы: ориенталист, тарихшы, фольклоршы, этнограф, географ, ағартушы, демократ. Әжесінің оны бала күнінде «Шоқаным» деп еркелетіп айтуымен, жалпы бұқара арасында «Шоқан» аталып кеткен.

Қолда бар деректерге сүйенсек, Шыңғыс атамыздың өзі Шоқан өмірге келгенінде ол «Сегізсерідей әрі ақын, әрі батыр болсын» деп ырымдап, есімін Мұхаммед – Қанапия қойған көрінеді.