Ал, дәрет алғаннан кейін боянуға және сонымен намазға оқуға болады. Бірақ, ол үшін боянатын заттардың құрамында нәжістер болмауы қажет. Себебі, денеге жағылған сұйық нәжіс көлемі жағынан алақан уысының ішіндей, құрғақ нәжіс 3,5 гр салмағындай болса намаздың дұрыстығына кедергі болады. Ал, нәжістерге арақ және сол тектес барлық ішімдіктер, доңыз, қан, зәр, жыныстық мүшелерден шығатын басқа да сұйықтықтар т.б. секілді ластықтар жатады. Егер, құрамында осындай ластықтар, харам нәрселер болса, онда мұндай бояу, опа-далаптар жағылған күйде намаз оқуға болмайды.