Осы отырыста сөз алған ҚР Мәдениет және спорт министрлігі жанындағы Дін істері комитетінің төрағасы Ғалым Шойкин "Мемлекет зайырлығының мәнін ашып, қазақ қоғамының дәстүрлі құндылықтарын насихаттау мақсатында арнайы курстың атауы "Зайырлылық пен дінтану негіздері" болып өзгереді. Осыған орай пәннің негізгі оқу бағдарламасы жасақталды. Онда антиэкстремистік және антитеррористік насихат тұрғысындағы тақырыптар да қамтылған" деп мәлімдеді. Ол сонымен қатар, жуық арада курстың оқу-методикалық  жиынтығы, яғни, оқу құралы, хрестоматиясы, жұмыс дәптері мен оқытушыға арналған мәліметтер жинағын шығару қолға алынып отырғанын тілге тиек етті.