Астана - қазақ елінің көз қуанышы, алтын тұмары. Астана - дүйім жұртты аузына қаратқан берекелі орда. Қазақстанның бет келбетіне айналған осынау шаһарға деген сүйіспеншілік пен махаббатты сөзбен безбендеу қиын әрине. Санасында сәулесі бар әр қазақ баласы елорданың қазақ тарихындағы рөлін ерекше екшеп, жүрегінің төрінен орын сайлайды деп білеміз. Ал біздің мақсат осынау береке ұйыған мекенге қызмет ету, оның абройын асқақтату, қала берді, болашағының жарқын болуына тілек үстемелеу. Осы жолда үлес қосып жүрген азаматтардың барлығының еңбегіне жеміс тілей отырып, барша қазақстандықты Астана күнімен құттықтаймыз. Дәстүрге сай 30 күн ойын, 40 тойын жасап, мерекелемесек те, қазір бізде алты күнге арқа төрін ән мен жырға бөлейтін ерекше мейрамды тойлайтын үрдіс қалыптасты. Осы ретте 2 шілдеде Астананың 16 жылдығы мерекесіне орай ұйымдастырылатын іс-шаралар тізімін оқырман назарына ұсынуды біз де жөн санадық. "Қазақпараттан" алынған бағдарлама мынадай:
10:00. «Астананың үздік тауары» байқауының көрмесі. Конгресс-холл.
12:00. «Сахнадан сәлем!» Халықаралық театр фестивалі. Қ.Қуанышбаев атындағы қазақ музыкалық драма театры.
16:00. «Азия жаңғырығы» цирк өнерінің халықаралық фестивалі. Астаналық цирк.
16:00. «Сахнадан сәлем!» Халықаралық театр фестивалі. Оқушылар сарайы.
18:00. «Ән мен күй әлдилейді Астананы» концерті. Конгресс-холл.
19:00. «La Scala» театрының «Дон Кихот» қойылымы. «Астана опера» опера және балет театры.
19:00. «Сахнадан сәлем!» Халықаралық театр фестивалі. М.Горький атындағы орыс драма театры.
E-islam.kz
