Ел мен елді байланыстыруда алдына жан салғысы келмейтін Facebook осы мақсатқа бекем бекінгенін тағы да дәлелдеді. WhatsApp үшін 16 млрд. АҚШ долларын ұсынған әлеуметтік желі басшысы Марк Цукерберг осынау қымбат ұсынысты екінші тарапқа 9 ақпанда ғана білдірген екен. Ал "WhatsApp қызметкерлерінің тағдыры не болмақ?" дейсіз бе? Бұл туралы Цукерберг өз парақшасында "Барлық қызмет тобы түгелімен Facebook-ке өтеді, ал WhatsApp-тың негізін салған Ян Коум болса директорлар кеңесінен лауазымды орынға ие болады" деп нақтылайды. Сонымен бірге ай сайын осы желі қызметін тұтынатын 450 млн. азаматтың сол бұрынғы жүйемен желіні қолдана беретінін, атап айтарлықтай өзгешелік болмайтынын жеткізген.
E-islam.kz