Қазіргі таңда Қазақстанда Ислам діні бір кездегі арнасына қайта толып келеді. Тіптен жанданып, жаңа даму сатыларына өту үстінде. Дегенмен де бұл үдерістің өзіндік тарихи-мәдени алғышарттары баршылық.
Ислам – бүкіл түркі жұртының, соның ішінде қазақ халқының ертеден сенетін ата діні. Қазақ елінің ислам дініне деген өзгеше құрметі мұсылман елдері тарапынан әлдеқашан мойындалып қойғаны мәлім.
Түркітектес халықтарға ислам дінін жеткізу мәселесінде мұсылман әскерінің жалаңаш қылышынан гөрі, сауда-саттық арқылы бейбітшілік жолмен тарату әдісі әлдеқайда жемісті болды.
Араб мұсылман халифаты дәл шығыс аймақтардан түркі даласына ене бастады. Қазіргі Ауғаныстан мен Түрікменстан, Өзбекстан мұсылман араб халифаты әскері тарапынан жауланды.