Асылбек Байұзақұлы – каллиграфия өнері бойынша Мысырда білім алған еліміздегі алғашқы маман. Хұснихат шебері Асылбек хаттат Қарағанды орталық мешітінің ішкі-сыртқы безендірілуіне, Араб әмірліктерімен бірігіп салынған Өскемен орталық мешітіне,  Көкшетау қаласында салынып жатқан орталық мешіттегі жазбаларды шығаруға, Астанада 2014 жылы бой көтерген «Әлжан ана» айшықты құлшылық үйінің толық ішкі-сыртқы безендірілуіне, минбар, михрабтарындағы жазуларды жазып шығуға тікелей араласқан. Павлодар қаласындағы «Мәшһүр Жүсіп» мешітінің қайта жөндеу жұмыстарына да қатынасқан кейіпкеріміз бүгінде діни баспа ісіне де белсене араласып келеді. Олай болса, хұснихат шеберінің қағазға түскен жазуларының сұлулығына Сіз де тәнті болыңыз...