Пайғамбарымыз "Үйленіңдер" деп насихат етсе, халқымызда балаларын ерте отастыратын дәстүр бар. Медицина ғалымдарының айтуынша ерте үйлену - ұрпақ сапасына да тікелей байланысты екен.
Дәстүрдің қаншалықты дұрыс жасалғанын, бабаларымыздың көрегендігін заманауи ғылым дәлелдеген сайын таңдана түсесің. Қазақ дәстүріндегі ерте үйлендіру салты - біріншіден, жастарды бой жете бастағанда не ер жете бастағанда туындайтын жаман қылықтардан тыю болса, екіншіден, ұрпақ жалғастығын, демографияны жаңғырту болған еді. Бұдан бөлек ерте үйлену - ұрпақ сапасына да тікелей ықпал ететін көрінеді. Ғалымдардың айтуынша, кеш үйленген ер адамнан туған баланың түрі сүйкімді болмайды. "Myjane" хабарлағандай Австрия ғалымдарының бұл мәселеге қатысты нақты дәлелдері де бар. Олар "адам клеткасы 16 жыл сайын өзгеріп, мутацияға ұшырап отырады. Ер адамда ұрық өндіретін жасушалар да қартаяды, сондықтан, егде тартып үйленген адамның балалары ұсқынсыздау болады. Мысалға 20 жастағы жігіттің ағзасында 25 тек мутациясы болса, 40 жастағы ер адамдікі - 65, ал 50-дегі ер адамның қан құрамындағы өзгеріс өз жасынан екі есе көп болады. Сондықтан, 20 жастағы ер адамнан туған бала, әкесі 40 жастағы баладан әлдеқайда тартымды, зерек" деп нақтылаған. Демек жас ұлғайған сайын мутациялық жасушалар саны арта береді екен. Ғалымдар аутизм және психологиялық дерті бар балалардың кеш отасқан ата-аналардан туғандығын да алға тартып отыр.
E-islam.kz
