"16 тамыз «Қазақстан» ұлттық телеарнасынан жас ақындардың шығармашылығына арналған әдеби-танымдық «Поэзия әлемі» бағдарламасы көрерменге жол тартады" деп хабарлайды Baq.kz тілшісі.
Қазақтың жас ақындарының өмірі мен тыныс-тіршілігі, жеткен жетістіктері мен шығармашылығын өзек ететін жобаның мақсаты - поэзияны жаңа қырынан, жаңа форматта таныту, поэзияны оқуда биік талғам қалыптастыру, ағартушылық бағытында жұмыс жасау, бүгінгі қазақ поэзиясының жеткен жетістіктерін көрсету, қазақ поэзиясына жаңа леп әкелген жаңа есімдерді анықтау. "Сонымен қатар жеке ақынның өзіне ғана тән портретін жасап шығару және оның өміріндегі ең қызықты, ең қайғылы немесе ең шешуші сәттеріндегі мінез құлқы мен болмысын ашып көрсету шығармашылық топтың негізгі мақсаты болды" делінген телеарнаның баспасөз қызметінде. 16 тамыз күнгі алғашқы жоба кейіпкер ретінде Маралтай Райымбекті таңдапты. Біз өз тарапымыздан қазақ руханиятын өрге сүйреп жүрген ұлттық арнаұжымына табыс тіледік.
E-islam.kz
