عۇمىرىن شاكىرت تاربيەلەۋگە ارناعان اسىل ازامات ەدى...

سارسەنبى، 30.11.2016
Ғұмырын шәкірт тәрбиелеуге арнаған асыл азамат еді...

قازاقستان مۇسىلماندارى ٴدىني باسقارماسى عۇلامالار كەڭەسىنىڭ مۇشەسى، «سارىاعاش» مەدرەسەسىنىڭ ديرەكتورى، بەلگىلى ٴدىنتانۋشى عالىم سمانوۆ ٴابساتتار شاكىر ۇلىنىڭ قايتىس بولۋى قازاقستان مۇسىلماندارىن ۇلكەن قايعىعا ۇشىراتتى.

ٴابساتتار شاكىر ۇلى – قاسيەتتى قۇراننىڭ ماعىناسىن انا تىلىمىزگە ٴتارجىمالاعان كورنەكتى عالىم، ٴدىن قايراتكەرى ەدى. ول – ساليحالى عۇمىرىن يسلام شاريعاتىن وقۋعا، شاكىرت تاربيەلەۋگە ارناعان اسىل ازامات بولاتىن. عۇلامالار كەڭەسىندە ٴتۇرلى تۇيتكىلدى ماسەلەلەردى تالقىلاعاندا ۇلتجاندىلىعىمەن، بىلىكتىلىگىمەن، وتكىرلىگىمەن، باتىلدىلىعىمەن كوزگە ٴتۇسىپ، قۇرمەتكە يە بولدى.

ٴابساتتار قاجى قمدب جانىنان قۇرىلعان رەسپۋبليكالىق اقپاراتتىق-ناسيحات توبىنىڭ بەلسەندى مۇشەسى رەتىندە ەلىمىزدىڭ بارلىق ايماقتارىندا، اسىرەسە اقتوبە، اتىراۋ، جەزقازعان سياقتى ٴدىني احۋال كۇردەلەنگەن وڭىرلەردە ەكسترەميزم مەن تەرروريزمنىڭ الدىن الۋدا، يسلام قۇندىلىقتارىن ناسيحاتتاۋدا كوپ ەڭبەك ٴسىڭىردى.

قازاقستان مۇسىلماندارى ٴدىني باسقارماسى عۇلامالار كەڭەسى مۇشەلەرىنىڭ اتىنان مارقۇمنىڭ تۋعان-تۋىسقاندارىنىڭ، جاقىندارىنىڭ قايعىسىنا ورتاقتاسىپ، كوڭىل ايتامىز.

جاراتقان اللا مارقۇمنىڭ ەلىمىز ٴۇشىن، ٴدىنىمىز ٴۇشىن جاساعان جۇمىستارىن مول ساۋاپتان جازىپ، جانىن جانناتقا جايعاستىرعاي! ٴاۋمين!

ەرشات وڭعاروۆ

قمدب عۇلامالار كەڭەسىنىڭ حاتشىسى

وقىلدى 761 رەت
joomshaper
top